მე, შენ და ბათუმი

ბრინჯაოს ქანდაკება „მე, შენ და ბათუმი“, რომელიც „საოცრებათა პარკში“ დგას, თითქოს ყველა სტუმარს იწვევს: „მოდი, დაჯექი და ისიამოვნე ბათუმის ატმოსფეროთი!“ ამ ნაწარმოების ავტორმა, ირაკლი წულაძემ, სწორედ ამ გრძნობის გადმოცემა სცადა – ბათუმის სიყვარული და სტუმართმოყვარეობა.

მაგიდასთან დატოვებული ცარიელი სკამი თითქოს გეუბნება: „ეს ადგილი შენთვისაა! დაჯექი, ყავა მიირთვი და ფოტო გადაიღე, რომ ეს მომენტი სამუდამოდ შეინახო.“ სიმართლე გითხრათ, ასეთი ფოტო თითქმის ყველას აქვს, ვინც ბათუმში ყოფილა. ასე, რომ თქვენც არ დაგავიწყდეთ, ეს სიმბოლური ადგილი თქვენს ალბომში დაამატოთ!