ბათუმში ველოსიპედით — როგორ ვიქირაოთ

ბოლო წლებში ველოსიპედი გადაადგილების ერთ-ერთ ყველაზე პოპულარულ საშუალებად იქცა ბათუმში. აქ ველობილიკები თითქმის ყველა მთავარ ქუჩასა და ბულვარშია მოწყობილი, ამიტომ ველომოყვარულები, განსაკუთრებით ზაფხულში, საკმაოდ ხშირად შეგხვდებათ.

მიუხედავად იმისა, რომ ველოსიპედი ბათუმში უფრო გასართობ საშუალებად მიიჩნევა, ის ასევე მოსახერხებელია სწრაფი გადაადგილებისთვის ან მაღაზიაში მისასვლელად. ქალაქის სხვადასხვა ნაწილში განთავსებულია ველოპარკინგები, სადაც შეგიძლიათ აიყვანოთ ველოსიპედი ერთ ადგილას და დააბრუნოთ სრულიად სხვაგან.

როგორ დავიქირაოთ ველოსიპედი?

ველოსიპედის დასაქირავებლად საჭიროა სპეციალური ბარათი, რომელიც გაიცემა ბათუმის ტურისტულ საინფორმაციო ცენტრში, რომელიც მდებარეობს ქორწინების სასახლისა და ბულვარის მთავარი შადრევნების მიმდებარედ. ბარათის ასაღებად დაგჭირდებათ პირადობის დამადასტურებელი დოკუმენტი და თანხა. ადგილზე აგიხსნიან, როგორ უნდა გამოიყენოთ იგი.

ფასები და ტარიფები:

• 1 საათი — 2 ლარი (ანგარიშდება ყოველ 15 წუთში ერთხელ, 50 თეთრი)
• 10-დღიანი ბარათი — 10 ლარი (აქედან 4 ლარი ბარათის ღირებულებაა, 6 ლარი კი ბალანსზე ჩაირიცხება, გაიცემა მხოლოდ ტურისტულ სეზონზე)
• წლიური ბარათი — 20 ლარი (10 ლარი ბარათის ღირებულებაა, 10 ლარი ბალანსზე ჩაირიცხება)

ველოსიპედის დაბრუნებისას აპარატი ავტომატურად განსაზღვრავს ბარათზე დარჩენილ თანხას, რომელიც შეგიძლიათ მომდევნო ჯერზე გამოიყენოთ.