ორმხრივი გახდება რამდენიმე ქუჩა, რუსთაველი ქუჩა დროებით იკეტება
- საჭირო ინფორმაცია, სხვადასხვა
- გამოქვეყნებულია 2 დღის წინ
ბათუმის მერიის ინფორმაციით, 2025 წლის მაისის ბოლომდე რუსთაველის ქუჩაზე, გრიბოედოვისა და დემეტრე თავდადებულის ქუჩებს შორის მონაკვეთში, საავტომობილო მოძრაობა დროებით შეიზღუდება.
ამასთან ერთად, აღნიშნული პერიოდის განმავლობაში ორმხრივი მოძრაობა აღდგება ნინოშვილის, გრიბოედოვისა და ჭავჭავაძის ქუჩებზე.
ქალაქის მერიის განცხადებით, რუსთაველის ქუჩის ეს მონაკვეთი 10 თებერვლიდან ჩაიკეტება, რაც სატრანსპორტო მიმართულებების ცვლილებასაც გამოიწვევს.
შესაბამისად, ამავე თარიღიდან ნინოშვილის, გრიბოედოვისა და ჭავჭავაძის ქუჩებზე ავტომობილები ორივე მიმართულებით იმოძრავებენ.
რუსთაველის ქუჩის დროებითი ჩაკეტვა დაგეგმილი სარეაბილიტაციო სამუშაოებს უკავშირდება, რაც ასევე გავლენას მოახდენს მუნიციპალური ავტობუსების მარშრუტებზე.
