რვაფეხა

ბათუმში მოზაიკური ხელოვნების არაერთი ნიმუშია შემორჩენილი, თუმცა მათ შორის გამორჩეულია კაფე „ფანტაზია“, რომელიც უფრო ცნობილია როგორც „რვაფეხა“.

ბევრმა არ იცის, რომ ეს შენობა, რომელიც ადრე ცნობილი იყო როგორც კაფე „ფანტაზია“ ან, როგორც მას ხშირად უწოდებდნენ, „რვაფეხა“, მდებარეობს ბათუმის ბულვარში, ახლოს 6 მაისის პარკთან და მომღერალ შადრევნებთან.

2000 წლიდან იგი სრულიად მიტოვებული და დაზიანებული იყო. მოგვიანებით, მის უკან აშენდა საერთაშორისო ქსელ Hilton-ის სასტუმრო, რომელიც, გავრცელებული ინფორმაციით, აპირებდა ამ ღირსშესანიშნაობის აღდგენას.

თუმცა, საბოლოოდ შენობა მართლაც აღადგინეს, მაგრამ არა Hilton-ის მიერ, არამედ ბიძინა ივანიშვილის „ქართუ“ ფონდმა. დღეს „ფანტაზია“ ისეთივე იერსახით გვევლინება, როგორიც 1975 წელს და ნებისმიერი გამვლელი მასთან შეჩერებასა და მონახულებას შეძლებს.

თავად კაფე უკვე ფუნქციონირებს მოკრძალებული მენუთი, თუმცა ეს მთავარი არ არის. ყველაზე მნიშვნელოვანი ისაა, რომ ეს უნიკალური, 60-80-იანი წლების მოდერნისტული არქიტექტურის ნიმუში აღდგა და დღეს ქალაქის სტუმრებს სიხარულსა და მოგონებებს უნარჩუნებს.

ეს უნიკალური ფუნქციური ქანდაკება 1981 წელს შეიქმნა მხატვარ ზურაბ კაპანაძის ესკიზის მიხედვით. ღია ტიპის კაფე-ბარმა თითქმის ოთხი ათწლეულის განმავლობაში უმასპინძლა ბათუმელებსა და სტუმრებს, საბოლოოდ კი ქალაქის ერთ-ერთ სიმბოლოდაც იქცა.