CTRL+K
CTRL+K
ბათუმის ბულვარის განვითარებასა და გამწვანებაში განსაკუთრებული როლი ითამაშა მებაღე-დეკორატორმა იასონ გორდეზიანმა.
მისი ხელმძღვანელობით განხორციელდა ბულვარის გამწვანების მასშტაბური სამუშაოები, გაფართოვდა არსებული სანერგეები და გაშენდა ახალი ბაღები. თავისი წარმატებული საქმიანობის შემდეგ, მან განათლების გასაღრმავებლად საზღვარგარეთ გააგრძელა სწავლა. 1911 წელს ვერსალის სასოფლო-სამეურნეო ნაციონალური ინსტიტუტი წარჩინებით დაამთავრა და შემდეგი წლები საფრანგეთის, ბელგიის, შვეიცარიისა და ჰოლანდიის წამყვან საბაღე მეურნეობებში იმუშავა. ამასთან, მას უმუშავია ლონდონის სამეფო ბოტანიკურ ბაღშიც, სადაც მებაღე-დეკორატორის თანამდებობა ეკავა.
ევროპაში მიღებული ცოდნითა და გამოცდილებით აღჭურვილი იასონ გორდეზიანი სამშობლოში დაბრუნდა და არაერთი მნიშვნელოვანი საბაღე პროექტი განახორციელა.
მისი ღვაწლის აღსანიშნავად, 2012 წელს ბათუმის ბულვარში დაიდგა მისი ძეგლი, რომელიც ბაღის სილამაზეს კმაყოფილი თვალით გადაჰყურებს.
