საზღვაო გასართობი აქტივობები: არჩევანი და ფასები

ზღვის სანაპიროზე გატარებული დრო ყოველთვის სავსეა ემოციებით – სიხარულით, რომანტიკით და ცოტაოდენი ექსტრიმით. ეს სიამოვნება იაფი არაა, მაგრამ თუ ბათუმში ისვენებთ, აუცილებლად გამოსცადეთ ეს.

ბათუმი თითქმის ყველა სახის საზღვაო გართობას გთავაზობთ: ნავით, იახტით ან კატერით სეირნობა, „ბანანით“ და „ტაბლეტით“ სრიალი, სკუტერით გართობა, წყალში ჩასაშვები სასრიალოები, რეაფტინგი, სკუბა დაივინგი, პარაშუტით ან ფლაიბორდით ფრენა, დელტაპლანი და სხვა მრავალი.

ყველაზე პოპულარული გასართობი მაინც კატერით გასეირნებაა, რომლის ფასი სულ რაღაც 20 ლარია ერთ ადამიანზე, ხოლო ბავშვებისთვის – უფასო.

დაივინგის მოყვარულებს კი სთავაზობენ წყალქვეშა ტურს სარფის სანაპიროსთან ჩაძირულ გემთან. ვისაც გაუმართლა და სცადა, აღფრთოვანებას ვერ მალავს. თუ თქვენც გაბედავთ ამ თავგადასავალს, არ დაგავიწყდეთ შთაბეჭდილებების გაზიარება. დამატებითი ინფორმაციისთვის დაუკავშირდით: +995 599 14 91 77, +995 568 82 14 95.

თუ ბათუმის პანორამული ხედები მაღლიდან გსურთ, პარაშუტით ფრენა შესანიშნავი არჩევანია – 100 ლარად შეგიძლიათ გადაუფრინოთ ცენტრალური სანაპიროს გასწვრივ და დატკბეთ ზღვისა და ქალაქის დაუვიწყარი ხედებით.

სიჩქარისა და ექსტრიმის მოყვარულებისთვის სკუტერი იდეალური ვარიანტია – წუთში 7 ლარი.

უფრო მშვიდი გართობისთვის – „ბანანით“ ან „ტაბლეტით“ გასეირნება 10 წუთი 20 ლარი დაგიჯდებათ.

ბავშვებისთვის და არა მხოლოდ – ბათუმში იშვიათად გვხვდება ზღვის გასაბერი სასრიალოები, რაც მათ განსაკუთრებით პოპულარულს ხდის. სანაპიროზე მდებარე სასრიალოს გამოყენება 30 წუთი 20-25 ლარი ღირს, ხოლო ზღვაში განთავსებულ ატრაქციონზე საათში 35 ლარის გადახდა მოგიწევთ.

როგორც ხედავთ, ბათუმში საზღვაო გართობის უამრავი შესაძლებლობაა, ასე რომ, თქვენი დასვენების ყოველი დღე სიახლეებით და დაუვიწყარი ემოციებით შეგიძლიათ გაამრავალფეროვნოთ.

ბათუმის იახტკლუბი  უზრუნველყოფს თქვენს თუნდაც ექსპრომტულ კრუიზს სხვადასხვა საქმიანობისთვის ნაოსნობის, თევზაობისა და რა თქმა უნდა გასეირნებისთვის.

ეს ატრაქცია ღიაა 24 საათის განმავლობაში, რაც საშუალებას მოგცემთ, დღე-ღამის ნებისმიერ მონაკვეთში გაისეირნოთ ზღვაზე და ჩაისუნთქოთ თავისუფლების ჰაერი. ბათუმის იახტკლუბი ბათუმის ბულვარში ნავსაყუდელის ტერიტორიაზე მდებარეობს და მომხმარებელს  „Docking“ მომსახურებას სთავაზობს. კლუბში შესაძლებელია იახტის, იალქნიანი ნავისა და გემის დაქირავება.

შერჩევა და დაქირავება შეგიძლიათ აქ