ბათუმის უმაღლესი საზღვაო საინჟინრო სასწავლებელი ანრი

შეზღუდული პასუხიმგებლობის საზოგადოება „საზღვაო სასწავლო-საწვრთნელი ცენტრი“ დაარსდა 2000 წლის ივნისში, 2005 წლის აგვისტოში , სასწავლებელმა შეიცვალა სახელწოდება და დაფუძნდა, როგროც შპს „საზღვაო სასწავლო ცენტრი ანრი“, ხოლო 2014 წლის 01 ივლისიდან მას ეწოდება შპს ბათუმის უმაღლესი საზღვაო საინჟინრო სასწავლებელი ანრი (შპს ბუსსს ანრი).

სასწავლებელის დირექტორი არის შორეული ნაოსნობის კაპიტანი, ტ.მ.დოქტორი, პროფესორი ანზორ დიასამიძე, რომელიც არ იშურებს ენერგიას და ძალისხმევას აღზარდოს განათლებული მეზღვაურები, აწარმოოს საზღვაო სპეციალისტების მაღალ ხარისხიანი მომზაადება/გადამზადება.

ბუსსს ანრი ახორციელებს პროფესიულ საგანამანათლებლო პროგრამებს, ასევე აწარმოებს მეზღვაურების მომზადება/გადამზადება, სერტიფიცირებას. შპს ბუსსს ანრი სერტიფიცირებულია საერთაშორისო ხარისხის სისტემის ISO 9001:2015 შესაბამისად.

შპს ბუსსს ანრი მოქმედებს წესდების საფუძველზე, ჩამოყალიბების დღიდან ახორციელებს საზღვაო სპეციალისტების თეორიულ, პრაქტიკულ და ტრენაჟორულ (საწვრთნელ) მომზადება/გადამზადებას საერთაშორისო კონვენცია STCW ცვლილებებით, საქართველოს კანონი მეზღვაურების მომზადების, დიპლომირებისა და ვახტაზე დგომის შესახებ და სხვა საერთაშორისო და ეროვნული საზღვაო კანონმდებლობების მოთხოვნების შესაბამისად.

2018 წლის სექტემბრიდან სასწავლებელი ახორციელებს პროფესიულ პროგრამებს სპეციალობებით:
საგემბანე განყოფილების ექსპლუატაცია; (სწავლის ხანგრძლივობა 15 თვე)
გემის სამანქანე განყოფილების ექსპლუატაცია. (სწავლის ხანგრძლივობა 14 თვე)
სწავლება ხორციელდება სრულად სახელმწიფოს დაფინანსებით.
შპს ბუსსს ანრი სერტიფიცირებულია საერთაშორისო ხარისხის სისტემის ISO 9001:2015 შესაბამისად. ასევე გაგვაჩნია IQNet-ის სერტიფიკატი.

შპს ბუსსს ანრი არის ისეთი ორგანიზაცეიების წევრი, როგორიცაა: საქართველო კერძო უმაღლესი სასწავლებლების ასოციაცია, საქართველოს კერძო კოლეჯების ასოციაცია, აარის ლოჯისტიკის, ტრანსპორტისა და გადამზიდავტა ასოციაცია; ევროკავშირი-საქართველოს ბიზნეს საბჭოს წევრი და სხვა.

საერთაშორისო ასოციაციაციები: IASST–ის (უშიშროებისა და გადარჩენის წვრთნების (მომზადების) საერთასორისო ასოციაცია) და Global MET–ის (გლობალური საზღვაო განათლება და მომზადება) BSAMI-ს (შავი ზღვისპირეთის საზღვაო სასწავლებლების ასოციაცია) და სხვა.

ლექციებს და კურსებს კითხულობს გამოცდილი საზღვაო სპეციალისტები, კვალიფიცირებული პროფესორ-მასწავლებლები.

წვრთნისა და სერტიფიცირების ცენტრში კურსები ტარდება საერთაშორისო, ეროვნული და საერთაშორისო საზღვაო ორგანიზაციის (IMO) მოდელ კურსების მოთხოვნათა შესაბამისად შემუშავებული პროგრამებით. სწავლების, მომზადების პროცესი მომდინარეობს შემუშავებული, დამტკიცებული და აღიარებული პროგრამების საფუძველზე, ვიდეო მასალის, კურსის შესაბამისი სიმულატორების გამოყენებით. სრულყოფილი პრაქტიკული მეცადინეობების ჩასატარებლად სასწავლებელს გააჩნია თ/მ “კაპიტანი ოთარ ჩახვაძე”, სწრაფმავალი და სამაშვლეო კატარღები, მოტონავი, სამაშველო ტივი, კაპიტნის ხიდურის სიმულატორი, ხმელეთზე განთავსებული ხანძარსაწინააღმდეგო სიმულატორი, რადილოკაციური და ავტომატური რადიოლოკაციური სიმულატორი, რეალური სამანქანო განყოფილება, ლაბორატორიები და საამქროები, რეალური გემის მოდელი, საცურაო აუზი და სხვა.

სასწავლებელში არის საერთო საცხოვრებელი საქართველოს სხვა რეგიონებიდან თუ საზღვარგარეთიდან ჩამოსული სტუდენტებისთვის.

შპს ბუსსს ანრი მჭიდროდ თანამშრომლობს სხვადასხვა საერთაშორისო კრუინგულ და გემთმფლობელ კომპანიებთან, რათ უზრუნველყოს წარჩინებული სტუდენტების საცურაო პრაქტიკა და კურსდამთავრებულთა დასაქმება.