წმინდა ანდრია პირველწოდებულის ჩანჩქერი სარფის გზაზე

ბათუმიდან 12 კილომეტრის მოშორებით, სარფის ცნობილ სანაპირომდე, მდებარეობს ანდრია პირველწოდებულის დიდი მონუმენტი. ეს ადგილი განსაკუთრებით მიმზიდველია, რადგან ძეგლის გვერდით პატარა, მაგრამ ძალიან ლამაზი ჩანჩქერია, რაც ნებისმიერი გამვლელის ყურადღებას იქცევს.

ლეგენდის თანახმად, სწორედ ამ გზით შემოვიდა საქართველოში მოციქული ანდრია, რომელიც აჭარაში ქრისტიანობას ქადაგებდა და პირველი ქართველი მღვდლები აკურთხა. ზოგიერთი ისტორიკოსის მტკიცებით, მან სწორედ ამ მხარეში ააშენა პირველი ეკლესია საქართველოში.

მიუხედავად იმისა, რომ მთელი ქვეყნის გაქრისტიანება მოციქულმა ვერ შეძლო, მისი ღვაწლი უდიდესია, რადგან სწორედ მან დაიწყო ეს პროცესი. ამიტომაც, მას დიდი პატივისცემით მოიხსენიებენ და მისი ხსოვნა არაერთი მონუმენტითაა აღბეჭდილი.

სარფთან მდებარე ეს ძეგლი ერთ-ერთ ყველაზე მნიშვნელოვანად ითვლება, მიუხედავად იმისა, რომ მისი დიზაინი საკმაოდ სადაა. ავტორმა სწორედ ამ სიმარტივით სცადა გამოეხატა ქრისტეს პირველ მოციქულში არსებული სულიერი სიძლიერე. მონუმენტზე აღბეჭდილი აწეული ხელი კი, ითვლება, რომ წარმოადგენს ამ მიწების კურთხევასა და დაცვას.

როგორ მივიდეთ?

შეგიძლიათ ისარგებლოთ ბათუმის თბილილის მოედნიდან სარფისკენ მიმავალი სამარშრუტო ტაქსებით ან ჩაჯდეთ ქალაქის მუნიციპალურ ავტობუსში №16, თუმცა ის გაცილებით მეტ დროს წაგართმევთ.

ალტერნატიულად, შეგიძლიათ აიყვანოთ ტაქსი, ან იქირაოთ მანქანა, თუმცა ასეთი მგზავრობა 25 ლარზე ნაკლები არ დაგიჯდებათ. შედარებით ეკონომიური ვარიანტია ორგანიზებული ტურები, რომელთა საშუალო ღირებულება 50 ლარია, ამ თანხაში კი სხვა ღირსშესანიშნაობების მონახულებაც შედის.