საბაგირო გზა არგო - ფოტოები, ფასები, აღწერა

ბათუმის ხედების ციდან აღქმა ნამდვილად დაუვიწყარი გამოცდილებაა, განსაკუთრებით მაშინ, როცა შავი ზღვის უსასრულო სივრცე ემატება ამ სანახაობას. სწორედ ამიტომ, საბაგირო გზა არგო ერთ-ერთი ყველაზე ცნობილი ღირსშესანიშნაობაა ქალაქში და ამავდროულად – შესანიშნავი გასართობი.

საბაგირო გზის სისტემა დაპროექტებულია და დამზადებულია ავსტრიული კომპანია „დოპპელმაიერი“-ს მიერ. გზის სიგრძე 2586 მეტრია, მასზე მუდმივად იმოძრავებს 8 ადგილიანი 20 გონდოლა (დახურული ტიპის კაბინები) 5 მ/წმ. სიჩქარით. ერთი მიმართულებით გზის დაფარვა შესაძლებელია 10 წუთში, ერთი საათის განმავლობაში კი საბაგირო ემსახურება 245 ადამიანს.

გასართობი ცენტრისა და საბაგირო გზის სადგურების არქიტექტურული მხარე დამუშავებულია ლონდონში კომპანია RTKL-ის მიერ.

კულტურულ გასართობი ცენტრი „არგო“ წარმოადგენს სანახაობრივ კომპლექსს რომელიც მდებარეობს ბათუმში, ანურიის მთაზე ზღვის დონიდან დაახლოებით 250მ სიმაღლეზე. გასართობი კომპლექსი გვთავაზობთ ქალაქის, შავი ზღვისა და გარშემო მთების უნიკალურ ხედებს. კომპლექსი მოიცავს რესტორნებს, კაფეებს, სავაჭრო ერთეულებს, ღია დარბაზებს, პოდიუმისა და სახურავის ტერასებს.

საბაგირო გზა ქალაქის ცენტრში, საინფორმაციო ოფისის მახლობლად იწყება და ადის მთის წვერზე, ფერიის გორაზე, საიდანაც ბათუმის პანორამული ხედი იშლება, ასევე იქვე განთავსებულია კაფე, სადაც შეგიძლიათ დატკბეთ დასვენებით და ადგილობრივი ღვინის დაგემოვნებით. იქვე ფუნქციონირებს სუვენირების მაღაზია და ღვინის ბუტიკი.

რატომ უნდა მოინახულოთ?

• განსაცვიფრებელი ხედები: ბულვარი, ცათამბჯენები, ზღვა და მთები ერთ სივრცეში;
• დღე და ღამე სხვადასხვა შთაბეჭდილებები: დღის შუქზე ზღვისა და ბუნების სილამაზე იკვეთება, ხოლო ღამით ქალაქი ათასობით ნათურით ანათებს;
• დამატებითი გასართობები: სეზონზე, საღამოს საათებში, აქ ხშირად იმართება კონცერტები, ტრადიციული ცეკვები და კულტურული ღონისძიებები.

ბათუმის საბაგირო გზა ერთდროულად შთამბეჭდავი, რომანტიკული და დაუვიწყარი თავგადასავალია, რომელიც ქალაქის მონახულებისას ნამდვილად ღირს.

განრიგი და ფასები ნახეთ აქ