ბათუმის აკვარიუმი

ბათუმის აკვარიუმი ერთ-ერთი საინტერესო ადგილია, რომელიც საშუალებას გაძლევთ დატკბეთ წყალქვეშა სამყაროს მრავალფეროვნებით. ის მდებარეობს 6 მაისის პარკის ბოლოში, დელფინარიუმის მიმდებარედ.

აკვარიუმის შესასვლელთან პატარა აუზია, სადაც ფერად-ფერადი თევზები ბინადრობენ, თუმცა ის, რაც აკვარიუმის შიგნით გელით, ბევრად შთამბეჭდავია.

აქ წარმოდგენილია შავი ზღვის, მტკნარი წყლებისა და ხელოვნურად გამოყვანილი სახეობების დაახლოებით 100-მდე წარმომადგენელი. მათი სახელების დამახსოვრება რთულია, მაგრამ ფერების საოცარი კომბინაციები, უჩვეულო ფარფლები და მახვილი კბილები დაუვიწყარ შთაბეჭდილებას ტოვებს.

მიუხედავად იმისა, რომ ბათუმის აკვარიუმი უკვე 50 წელზე მეტია ფუნქციონირებს და სერიოზულ განახლებას საჭიროებს, იგი კვლავაც ერთ-ერთ საყვარელ ადგილად რჩება როგორც ბავშვებისთვის, ისე მოზრდილებისთვის.

მისამართი: რუსთაველის ქუჩა 51
სამუშაო საათები: 10:00-17:30 (შესვენება 13:00-14:00)
ტელეფონი: +995 422 22 17 30
ბილეთის ფასი: 4 ლარი