ბათუმის დელფინარიუმი: სამუშაო გრაფიკი, მისამართი და ბილეთები

ზოგჯერ ბათუმის სანაპიროზე დელფინები ჩნდებიან, მაგრამ ეს იშვიათი მოვლენაა და არავინ იცის, გაგიმართლებთ თუ არა მათი ნახვა. ამიტომ, თუ ნამდვილად გინდათ ამ საოცარი არსებების ნახვა და პოზიტიური ემოციების მიღება, აუცილებლად ეწვიეთ ბათუმის დელფინარიუმს!

დელფინარიუმის ისტორია

ბათუმის დელფინარიუმი პირველად 1975 წელს გაიხსნა და იმ დროს ერთ-ერთ საუკეთესო დელფინარიუმად ითვლებოდა. ის იყო პირველი მსგავსი ცენტრი საბჭოთა კავშირში, სადაც შოუებს უზარმაზარი პოპულარობა ჰქონდა. ქალაქის ერთ-ერთ სიმბოლოდ სწორედ დელფინი იქცა.

მრავალი წლის განმავლობაში დელფინარიუმი პრობლემების წინაშე იდგა და გარკვეული პერიოდი დახურული იყო. თუმცა, დღეს სრულად განახლებულია, მუშაობს ყოველგვარი შეფერხების გარეშე და ტურისტებში ერთ-ერთი ყველაზე მოთხოვნადი ადგილია.

სად მდებარეობს დელფინარიუმი?

დელფინარიუმი მდებარეობს 6 მაისის პარკში, ცენტრალური შესასვლელის მოპირდაპირე მხარეს. შოუ იმართება ქართულ და ინგლისურ ენებზე.

შოუ 30 წუთი გრძელდება.

დელფინების სადემონსტრაციო პროგრამა – ეს არის შოუს ელემენტებით გაჯერებული შემეცნებითი სანახაობა, რომელიც იმართება ნებისმიერ ამინდში. შოუ, რომელშიც ამჟამად 10 დელფინი მონაწილეობს. ის ფაქტი, რომ პუბლიკა დელფინარიუმს პოზიტიურად დამუხტული ემოციით ტოვებს მონიკას, ზოროს, ნინის, მარკოს, მაიას, ციცის და მისი შვილების ოლიმპიას და ბათუს, ასევე კიდევ ორი პატარის ჩიბუს და ხვიჩას დამსახურებაა. წარმოდგენილია 30-მდე ნომერი: სამი ცეკვა, რგოლებითა და ბურთებით თამაში, კუდზე ბალანსი, დაუვიწყარი Foot Push-ი და მრავალი სხვა ახალი და ძველი შთამბეჭდავი მომენტი.

დელფინარიუმის ამფითეატრი შედგება 4 სექტორისაგან და გათვლილია 887 მაყურებელზე. ინფრასტრუქტურაში შედის შეზღუდული შესაძლებლობის მქონე პირთა მომსახურება პანდუსითა და ლიფტებით.

ბილეთების ფასები და განრიგი

განრიგი იხილეთ აქ

შოუზე დასწრება:

• ზრდასრულებისთვის – 20 ლარი
• 6 წლამდე ბავშვებისთვის – უფასოდ (თუ ცალკე ადგილი არ არის საჭირო)

ცურვა დელფინებთან:

• 150-200 ლარი (ინდივიდუალური პროგრამა, სადაც შეგიძლიათ დელფინებთან ერთად ცურვა, შეხება და ფოტოების გადაღება)

დელფინარიუმის შენობა ამფითეატრის ფორმისაა, ამიტომ ყველა ადგილიდან შესანიშნავი ხედი იშლება. ამფითეატრი ოთხ ზონადაა დაყოფილი (A, B, C, D).

ყველაზე მოთხოვნადი ადგილები:

• B და C ზონებში პირველი რიგები – აქედან კარგად ჩანს დელფინების მოძრაობები, მათი თვალები და ემოციები.
• ზაფხულში ამ ადგილებიდან წარმოდგენის ბოლოს დელფინები მაყურებელს წყლით ასველებენ, რაც ბევრისთვის სახალისოა, მაგრამ ზამთარში სასიამოვნო შეიძლება არ იყოს.
• თუ არ გსურთ დასველება, უკეთესია აირჩიოთ ცენტრალური რიგები, მაგრამ მეოთხე რიგიდან ზემოთ.

ბილეთების შეძენა შესაძლებელია:

• სალაროში – თუმცა, სეზონის პიკში შეიძლება რიგებში მოგიწიოთ დგომა.
• ონლაინ – დელფინარიუმის ოფიციალურ ვებსაიტზე (tickets.dolphinarium). ონლაინ ბილეთების შეძენისას დამატებითი საკომისიო არ იბეგრება.

თუ სეზონის დროს აპირებთ ვიზიტს, ბილეთები წინასწარ უნდა დაჯავშნოთ, რადგან ისინი სწრაფად იყიდება.

ბათუმის დელფინარიუმი ერთ-ერთი ყველაზე სახალისო და დადებითი ემოციების მომტანი ადგილია. აქ მოხვედრა განსაკუთრებით სასიამოვნო იქნება ბავშვებისთვის, თუმცა არც უფროსებს დატოვებს გულგრილს.