ბათუმის შუქურა

ბათუმის სანაპიროს ერთი გამორჩეული ნაგებობა საუკუნეზე მეტია, მეზღვაურებსა და მოგზაურებს გზას უნათებს – ეს ბათუმის შუქურაა. თავდაპირველად, ის 1863 წელს აიგო, თუმცა 1882 წელს ფრანგმა ინჟინრებმა ის განაახლეს და უფრო დახვეწილი ტექნოლოგიით აღჭურვეს. მას შემდეგ, ის 155 წელია, შავი ზღვაში გემებს უსაფრთხო ნაოსნობის შესაძლებლობას აძლევს.

შუქურის განათება 14 საზღვაო მილის მანძილზე ვრცელდება, რაც ღამის ზღვისთვის ერთგვარი ორიენტირია. მისი მდებარეობა გეოგრაფიული თვალსაზრისითაც უნიკალურია – ეს არის წერტილი, სადაც განედისა და გრძედის 41-გრადუსიანი პარალელები იკვეთება.

გარდა სანავიგაციო ფუნქციისა, შუქურის ნაგებობაში ფუნქციონირებს ჰიდროგრაფიული სამსახური, სადაც სპეციალისტები 24/7 რეჟიმში აკვირდებიან ამინდის ცვლილებებსა და ზღვის პირობებს. დღეს, ბათუმის შუქურა არა მხოლოდ პრაქტიკული დანიშნულებითაა მნიშვნელოვანი, არამედ ქალაქის ერთ-ერთ ულამაზეს სიმბოლოდაც რჩება, რომელიც ზღვისპირა პეიზაჟში იდეალურად ერწყმის.