CTRL+K
CTRL+K
ბათუმში თუ ეძებთ ახალ და საინტერესო ადგილს, სადაც ლამაზი ხედების ფონზე სასიამოვნო გასეირნებას შეძლებთ, ჟიული შარტავას ქუჩაზე მდებარე გმირთა ხეივანი ერთ-ერთი საუკეთესო არჩევანია.
ეს ახალი ლოკაცია არა მხოლოდ ბათუმელებისთვის, არამედ ქალაქის სტუმრებისთვისაც სწრაფად გახდა პოპულარული.
ხეივანში მოწყობილია მოსასვენებელი სკამები, დეკორატიული საყვავილეები და შადრევნები, რაც გარემოს კიდევ უფრო სასიამოვნოს ხდის.
ერთ-ერთი მთავარი ელემენტი სამი საფეხმავლო ხიდია, რომელთაგან თითოეულზე ლიფტებია განთავსებული, რაც გადაადგილებას კიდევ უფრო კომფორტულს ხდის. გარდა ამისა, ხეივანში შექმნილია გადახურული სივრცეები, სადაც შეგიძლიათ მზისა და წვიმისგან შეაფაროთ თავი და სიმყუდროვეში დაისვენოთ.
ხიდის დიზაინი და განათება განსაკუთრებით შთამბეჭდავია საღამოს საათებში. ზოგს ეს ადგილი თავისი არქიტექტურითა და განათების ეფექტებით დუბაისაც კი აგონებს. აქ შეგიძლიათ როგორც მშვიდი სეირნობა, ისე მეგობრებთან ერთად შესანიშნავი ფოტოების გადაღება.
