საოცრებათა პარკი (Miracle Park)
- პარკები და მოედნები, ღირსშესანიშნაობები
- გამოქვეყნებულია 2 კვირის წინ
ბათუმში კიდევ ერთი შესანიშნავი დასასვენებელი და სასეირნო ადგილი “საოცრებათა პარკი” გახლავთ. იგი ბულვარის დასაწყისში მდებარეობს და ღამის განათებებით შემოსაზღვრულია. პარკის ტერიტორიაზე განთავსებულია “ქართული ანბანის კოშკი” და შუქურა.
ეს ადგილი ხშირად მასპინძლობს სხვადასხვა ღონისძიებებს, კონცერტებსა და გამოფენებს. აქვე შეგიძლიათ იხილოთ “სტრიტ-არტ” ფესტივალის საუკეთესო ნამუშევრები – ბილბორდებზე გამოსახული გრაფიტი.
პარკი განსაკუთრებით მოსწონთ ველოსიპედით, როლიკებითა და სკეიტბორდით სეირნობის მოყვარულებს. მისი სკულპტურები და ღირსშესანიშნაობები სწრაფად გაჩნდა ამ ტერიტორიაზე, რამაც მას “საოცრებათა პარკის” სახელი მოუტანა. თუმცა, სამწუხაროა, რომ აქ სიმწვანე შედარებით მცირე რაოდენობით გვხვდება.
