პიაცას მოედანი – პატარა ვენეცია ბათუმში

ვენეციურ სტილში შექმნილი და ძველ ბათუმში მდებარე პიაცას მოედანი ერთ-ერთი ყველაზე პოპულარული ღირსშესანიშნაობაა ქალაქში.

მოზაიკური და ვიტრაჟული ხელოვნებით მორთული ეს უნიკალური სივრცე არაერთ მნიშვნელოვან ღონისძიებას, ოფიციალურ მიღებასა და მუსიკალურ კონცერტს მასპინძლობს.

ზაფხულის საღამოებს აქ განსაკუთრებული ატმოსფერო აქვს – შეგიძლიათ დატკბეთ ცოცხალი, რომანტიკული მუსიკით, ხოლო ყოველ სამ საათში ერთხელ მოისმინოთ მუსიკალური საათის მელოდია, რომელიც მოძრავი ფიგურებით ირთვება. ამ ყველაფერს კიდევ უფრო ამშვენებს მოედანზე განთავსებული რესტორნები, კაფეები და ბარები, სადაც სასიამოვნო დროის გატარებაა შესაძლებელი.

პიაცას მოედანზე განთავსებული სასტუმროები:

• Piazza Boutique Hotel
• Hotel Piazza Inn
• Piazza Four Colours